Sot janë bërë 29 vjet që kur u miratua Deklarata Kushtetuese e pavarësisë së Kosovës që njihet si 2 Korriku.

Këtë Deklaratë e miratuan delegatët e atëhershëm duke e shpallur Kosovën njësi të veçantë, në kuadër të federatës së atëhershme jugosllave, njofton Klan Kosova.

Kryeministri Ramush Haradinaj thotë se kjo deklaratë ka qenë pikënisje e shtetësisë së Kosovës.

“Deklarata Kushtetuese e 2 korrikut të vitit 1990, shënon pikënisjen e shtetësisë së Kosovës. Kjo ditë, që i dha kahje të re përpjekjeve tona për liri dhe pavarësi është rezultat i përpjekjeve shekullore të popullit tonë për ta realizuar idealin e lirisë”, ka shkruar Haradinaj në profilin e tij në Facebook, njofton Klan Kosova.

“Gratë dhe burrat, që e vulosen vullnetin e popullit tonë, do të kujtohen dhe lartësohen nga brezat për përpjekjen e tyre për jetësimin e ëndrrës shekullore, shtetit të pavarur”.