Anëtari i Aleancës për Ardhmërinë e Kosovës (AAK), Daut Haradinaj, ka njoftuar për një prurje të re në partin e tij.

Përmes një postimi në llogarinë e tij në Facebook, Haradinaj ka shkruar se rrugëtimit të tyre për 100 përqind shtet i është bashkuar një veprimtar nga Drenica.

“Në rrugëtimin tonë për 100% shtet, u bashkua veprimtari dhe luftëtari Dibran Fylli nga Aqareva e Skënderajit. Angazhimi i tij në radhët e AAK-së është një nder i përbashkët pasi Dibrani pos që njihet për artin dhe kulturën ai ishte njëri ndër kontribuesit e mëdhenj të lirisë dhe shtetformimit tonë”, ka shkruar Haradinaj.

Haradinaj është shprehur se “Vlerat e përbashkëta të Drenicës dhe Dukagjinit po bashkohen për shtet me dinjitet”.