Selim Selimi, shef i kabinetit të kryeministrit Ramush Haradinaj ka bërë të ditur se kreu i ekzekutivit në orën gjashtë të mëngjesit e ka vizituar dhomën e komandës së policisë dhe se ishte pranë policëve para se ata të niseshin për në Veri të Mitrovicës. 

“Kryeminsitri e ka vizitu në orën 6 dhomën e komandës dhe ka diskutuar për kapacitetet taktitike dhe profesionale që i ka pasur policia. Më fillim të aksionit kryeministri e ka vizituar dhomën e komandës dhe i ka dhënë përkrahje policisë”, ka thënë Selimi për T7.

Selimi më tej ka theksuar se aksioni i sotëm nuk kishte aspak dimension politik.

“Nuk ka dimension politik, aksionet tjera si ai me Gjuriqin ka pasur dimension politik, e ky vetëm sundim i ligjit”, ka deklaruar Selimi.