Kryetari i AAK-së, Ramush Haradinaj ka thënë se brenda një javë Serbia ka poshtëruar dy herë bashkësinë ndërkombëtare dhe QUINT-in me të ashtuquajturin “Kuvendi gjithëserb”, shkruan Gazeta Online Reporteri.net.

Në një postim në Facebook, Haradinaj ka thënë deklarata e dhëna nga ta bien ndesh me thirrjet ndërkombëtare për stabilitet në Ballkanin Perëndimor.

“Bashkësia Ndërkombëtare dhe Kosova përgjigjen më të mirë do t’ia jepte Vulinit dhe të gjithëve me mendësi të tillë, me hapjen e Urës së Ibrit”, thuhet në reagimin e Haradinajt.

Postimi:

Brenda një jave Serbia dy herë “poshtëroi” Bashkësinë Ndërkombëtare dhe Quintin me të ashtuquajturin “Kuvendi gjithëserb”, ku u dhanë deklarata mesjetare e po ashtu edhe Vulin nga Moska me deklaratat e tij mesjetare të cilat bien ndesh me thirrjet ndërkombëtare për stabilitet në Ballkanin Perëndimor.

Bashkësia Ndërkombëtare dhe Kosova përgjigjen më të mirë do t’ia jepte Vulinit dhe të gjithëve me mendësi të tillë, me hapjen e Urës së Ibrit.

/Reporteri.net/