Kreu i AAK-së, Ramush Haradinaj, i ka kërkuar Ministrisë së Shëndetësisë që ta sigurojë sasinë e duhur të insulinës.

Kështu u shpreh ai në një postim në Facebook, gjersa shtoi se mbi 28 mijë qytetarë të Kosovës, prej tyre mbi 700 fëmijë, janë të regjistruar si marrës të insulinës

“E drejta e pacientit me diabet është e garantuar me ligj. Donacionet nga jashtë edhe pse të mirëseardhura, nuk janë zgjidhje e problemit”, shkroi Haradinaj.

Postimi i tij i plotë:

Mbi 28 mijë qytetarë të Kosovës, prej tyre mbi 700 fëmijë, janë të regjistruar si marrës të insulinës.

Që nga vitet e para të pasluftës, Ministria e Shëndetësisë ka siguruar sasinë e duhur, me ndërprerje të vogla.

E drejta e pacientit me diabet është e garantuar me ligj. Donacionet nga jashtë edhe pse të mirëseardhura, nuk janë zgjidhje e problemit.

Ka tre muaj, që diabetikët nuk e kanë ndjerë dorën e shtetit. Insulinat mungojnë plotësisht.

Çfarë shoqërie dojmë të ndërtojmë? Shoqëri ku të sëmurët kronik lejohet të vdesin nga pakujdesia?

Urgjentisht, Ministria e Shëndetësisë duhet të sigurojë sasinë e duhur të insulinës dhe të ketë strategji të qartë që mos të ketë ndërprerje të këtilla.

Ky është edhe vet qëllimi i pushtetit: të kujdeset për qytetarët.