Kryeministri Ramush Haradinaj edhe në tubimin qendror për shënimin e 20-vjetorit të hyrjes së trupave të NATO-s në Kosovë, i ka thënë ish-presidentit amerikan, Bill Clinton se Kosova është shtëpia e tij.

Haradinaj i ka treguar se si babai i tij i ndjerë Hilmi Haradinaj i ka thënë se miku që vije për vizitë është çdo herë në shtëpinë e vet, andaj i tha Clintonit se edhe ai ashtu duhet të ndjehet në Kosovë, shkruan Reporteri.net.

“President Clinton, jeni në shtëpinë tuaj. Babai im i ka thënë këto fjalë çdo herë për mikun, që është në shtëpinë e vet dhe këtë e ka dëgjuar ndër breza. Pra, të gjithë jemi në shtëpinë tonë. Zoti e bekoftë Kosovën, zoti i bekoftë aleatët e Kosovës, të prirë nga Amerika”, tha kryeministri Haradinaj.

Kryeministri më tej tha se  dita e sotme i ngjason, jo qershorit, por verës ’99 kur janë bashkuar të lirë në Kosovë, në këtë shesh, ku ka qenë kënaqësi të ecësh lirshëm, pas gjitha vuajtjeve që i ka kaluar populli i Kosovës. /Reporteri.net/.