Kryeministri në detyrë i Kosovës, Ramush Haradinaj,  duke shprehur ngushëllime për ndarjen nga jeta të kompozitorit Gjergj Kaçinari, e ka ngatërruar atë me emrin profesionistit tjetër të muzikës, Alfred Kaçinari.

Haradinaj këtë gafë e ka bërë në një postim në llogarinë e tij në Facebook, për ta fshirë më pas shumë shpejt, shkruan Reporteri.net.

Kompozitori prizrenas Gjergj Kaçinari ka ndërruar jetë gjatë ditës së sotme dhe lajmin e ka bërë të ditur vajza e tij Klorinda.

Varrimi i të ndjerit  do të bëhet të shtunën, më 28 dhjetor 2019.