Albanian
English
German
Serbian
Turkish
Macedonian
Croatian
Kreu i AAK-së, Ramush Haradinaj ka folur pas takimit me kryeministrin, Albin Kurti.
Haradinaj tha se në takim kanë folur kryesisht për çështjen e dialogut me Serbinë.
Kreu i AAK-së u shpreh se para kryeministrit e kanë paraqitur qëndrimin e AAK-së për përfshirejn më të madhe të Amerikës në procesin e dialogut, shkruan Reporteri.net.
“Tema ishte dialogu. Më 6 maj i kam dërgu një letër kryeministrit dhe kam kërku një takim për çështjen e dialogut, pas kërkesës të re të kryeministrit iu kemi përgjigjë takimit. I kemi dëgju disa qëndrime të kryeministrit për dialogun dhe i kam shpreh edhe disa shqetësime të mia për dialogun.
Ajo që hetojmë është një prezencë jo e plotë e SHBA-ve -në dialog. Do të kishte shumë dobi emërimi i një emisari për dialog nga Amerika. Ishin edhe disa shqetësime të tjera që lidhen me pozicionin e Qeverisë, e hetojmë një lloj ikje se UÇK ka bë luftë çlirimtare, dhe Kosova nuk mundet me u krahasu me kriminelët e luftës.
Propozimi ynë për përfshirjen amerikane nuk është i ri, ia kemi dërgu edhe një letër”, ka thënë ai para mediave.
