Pas reduktimeve me rrymë ditëve të fundit në qytete të ndryshme të Kosovës, ka reaguar kreu i AAK-së, Ramush Haradinaj, i cili ka thënë se qeveria aktuale dikur e kishte kritikuar për një projekt të termocentralit “Kosova C” e që siç thotë ai çmimi i megavatit ishte 80 euro, ndërsa tani po të njëjti ai thotë po e paguajnë 400 euro mesatarisht, shkruan Gazeta Online Reporteri.net.

“Qeveria e territ” siç e quan Haradinaj, thotë se e kundërshtuan edhe gazin amerikan, ndërsa kur e morën pushtetin ai thotë se bënin “hajgare me bojlera e filter”.

“Kjo Qeveria e territ, Ma patën kundërshtuar me krejt fuqinë, projektin e kontraktuar të termocentralit “Kosova C”, që Kosovën e bënte fuqi energjetike, me arsyetimin se çmimi i megavatit prej 80 eurosh, ishte i lartë e sot e paguajnë mesatarisht ka 400 euro”

“E kundërshtuan gazin amerikan e dolën me bajrak kundër tij; U përfshinë në tregëti të energjisë, deri me GEN-in e Beogradit dhe u vunë në mbrojtje të sekserëve të tyre si Martin Berishaj e Nagip Krasniqi, që kishin shpërdoruar miliona euro të buxhetit të Kosovës; Kur e morën pushtetin, bojshin hajgare me “bojlera e filtera”;
Tash kur Kosova është në kolaps energjetik dhe kur pjesa më e madhe e vendit është në terr, mundohen ta shkarkojnë fajin te KEDS-i”, thotë Haradinaj.

Ai gjithashtu thotë se tani se kjo qeveria e ka shtrenjtuar rrymën, por që “asgjë në dritë nuk qitën”.

“E shtrenjtuan rrymën për tri herë e asgjë nuk qiten në dritë; Këta kurrë asgjë nuk qiten në dritë”, shkruan kreu i AAK-së, Ramush Haradinaj.

/Reporteri.net/