Haradinaj: Më dhimbsen djemtë e Kosovës, për fatkeqësinë e tyre nga Specialja po gëzohen në Moskë e Beograd

Lajme

Haradinaj: Më dhimbsen djemtë e Kosovës, për fatkeqësinë e tyre nga Specialja po gëzohen në Moskë e Beograd

Reporteri

14 Korrik 2020 | 21:40

Shefi i Grupit Parlamentar të Aleancës për Ardhmërinë e Kosovës, Daut Haradinaj, ka folur për gjykatën speciale, e cila ka parlajmëruar aktakuza ndaj krerëve të UÇK-së.

Haradinaj ka thënë se i dhimbsen djemtë e Kosovës, për fatkeqësinë e të cilëve po bëhet gëzim i madh në Kosovë.

“Më dhimben djemtë tanë kur shoh gëzimin e Moskës dhe Beogradit. Ne duhet ta kuptojmë se nga na vijnë goditjet. Ne jemi shtet i vogël, jemi shtet i ri, me kapacitete të limituara. Duhet t’i ruajmë djemtë tanë”, tha Haradinaj.

Lexo edhe:

Ambasadorja Ziv: Ambasada e Kosovës në Jerusalem është e mbrojtur, s’shoh kërcënim ndaj saj

Moti nesër dhe ditëve në vazhdim

Njeriu që vulosi ligjshmërinë e shpalljes së pavarësisë viziton Kosovën

Haradinaj ka thënë se ka pasur një dorë të fortë si influencuese prapa kësaj gjykate, por ka thënë se nuk dëshiron të flasë mbi konspiracione.

“Shihet që ka pas një dorë të fortë, por nuk dua të hyj në konspiracione. Sendi i parë për të cilin duhet të jemi të qartë, që ne jemi shumë krenar me Shtëpinë e Bardhë. Si rezultat i përkrahjes së saj jemi këtu ku jemi”, theksoi ai.

Ai ka thënë se Specialja është gjykatë raciste. Shefi i deputetëve të AAK-së ka thënë se për krimet brutale të Serbisë, ende askush nuk ka marrë përgjegjësinë.

“Kjo është gjykatë raciste. Të gjithë e dimë çfarë ka bërë Millosheviqi. Pardje u përkujtua Srebrenica, askush nuk ka marrë përgjegjësi”, ka theksuar ai. /Reporteri.net/

Shpërndaje: