Kryetari i Aleancës për Ardhmërinë e Kosovës, Ramush Haradinaj, ka marrë pjesë në ceremoninë e varrimit të ish-diplomatit, Anton Berisha, i cili vdiq dje pas një sëmundje të shkurtër.

Në këtë ceremoni, Haradinaj ka ndarë për Berishën medaljen post mortum “Me besim në Zot, Atdhe e Shtet”, shkruan Reporteri.net.

Ai ka publikuar pamje nga varrimi, teksa ka thënë se kujtimi për të mbetet i paharruar.

“Lamtumirë, Anton Berisha. I paharruar kujtimi për ty!”, ka shkruar Haradinaj.