Haradinaj për kërcënimin ndaj Kurtit: Po duken lojëra virtuale, Kurti të mos i bëj presion Kushtetueses

Lajme

Haradinaj për kërcënimin ndaj Kurtit: Po duken lojëra virtuale, Kurti të mos i bëj presion Kushtetueses

Reporteri

19 Maj 2020 | 21:33

Shefi i GP të AAK-së, Daut Haradinaj, e ka komentuar një kërcënim që është bërë në adresë të kryeministrit në detyrë, Albin Kurti.

Këtë kërcënim që e ka publikuar vetë Kurti, Haradinaj e ka pranuar me skepticizëm, duke thënë se më shumë po i duket lojë virtuale se diçka serioze.

Megjithatë, ai ka bërë thirrje që kryesit e kërcënimit të sillen para drejtësisë.

Lexo edhe:

Urat mbi Ibër: Zhvillim për disa, ide pa kuptim për të tjerët

Vazhdon edhe sot operacioni i kërkimit për 85-vjeçarin që u raportua i zhdukur

Sot përpjekja e 37-të për konstituimin e Kuvendit

“Institucionet e sigurisë duhet me kry punën e vet dhe me i sjell fajtorët sa më shpejtë para drejtësisë. Po më duken hajgare palidhje. Po më duken lojëra virtuale”, ka thënë Haradinaj.

Ai ka thënë se me anë të këtij postimi ku tregon për kërcënimin, Kurti po bën presion ndaj Gjykatës Kushtetuese.

“Publikimi i Kurtit po duket që po bën presion mbi Gjykatën Kushtetuese. Është për të ardhur keq, që gjuha ka filluar me degradu. Kushdo që të jenë këta, duhet me i sjell para drejtësisë, ka thënë Haradinaj.

Ndërkaq, Blerim Kuçi nga AAK, ka thënë se Kurti e ka gjetur një mënyrë të veçantë për t’i bërë presion Gjykatës Kushtetuese.

Po ashtu, ai ka thënë se rasti i kërcënimit ndaj kryeministrit duhet të trajtohet nga drejtësia.

Shpërndaje: