Kryetarja e Kuvendit të Kosovës, Vjosa Osmani, gjatë vizitës së saj në Gjilan ka thënë se Autostrada e Anamoravës do të bëhet.
Në lidhje me këtë deklarim të Osmanit ka reaguar shefi i Grupit Parlamentar të AAK-së Daut Haradinaj.
Ai ka thënë se kjo çfarë ka deklaruar kryeparlamentarja për Autostradën e Anamoravës është reflektim, derisa ka shtuar se shpreson se ajo do ta thotë të njëjtën edhe për Autostradën e Dukagjinit.
“Kryetarja e Kuvendit, Vjosa Osmani e paska pranu që autostrada e Anamoravës do bëhet!
Ky është lajm i mirë dhe reflektim i saj, shpresoj që do ta thotë të njejtën edhe për autostradën Dukagjinit pasi që ajo do bëhet me apo pa Vjosën”, shkruan Haradinaj