Kreu i AAK-së, Ramush Haradinaj pas takimit me kreun e LDK-së, Isa Mustafa, ka thënë se partia e tij mbështetë rrëzimin e qeverisë Kurti.

“Ne e përkrahim mocionin. Situata nuk është e lehtë, prandaj mbajtja pezull e kësaj gjendje nuk është në doBi, është mirë të ndërmerren të gjitha masat”, tha ai shkruan Reporteri.net.

Haradinaj tha se duhet të krijohet një qeveri e re në Kuvend për tejkalimin  e gjendjes aktuale, por siç tha edhe për të gjitha temat që e presin vendin.

I pyetur se a do të bëhet pjesë e një qeverie teknike, Haradinaj ka thënë “Nuk e di, është herët me fol”, tha ai.

Kreu i AAK-së më tej tha se Kurti ka dezertuar në temat kryesore të vendit dhe se Kosova ka pasur një qeveri konfliktuoze.

Ai tha se Kurti e ka faktorizuar Serbinë pasi ka lënë vendin pa taksë dhe pa miq.

Haradinaj ka paralajmëruar edhe takime tjera me Mustafën. /Reporteri.net/.