Haradinaj: Sakrifica e dëshmorëve, udhërrëfyes për faktorizimin e shqiptarëve në rajon

Lajme

Haradinaj: Sakrifica e dëshmorëve, udhërrëfyes për faktorizimin e shqiptarëve në rajon

Reporteri

05 Maj 2021 | 13:48

Me rastin e Ditës së Dëshmorëve të Kombit, kreu i Aleancës për Ardhmërinë e Kosovës (AAK), Ramush Haradinaj ka vazhduar me homazhe në nderim të heroizmit dhe sakrificës së të rënëve për lirinë e Atdheut.

Ai përmes një postimi në Facebook, Haradinaj ka thënë se obligim i përbashkët është nderimi dhe kujtimi për përpjekjeve tona historike për liri.

“Me rastin e 5 Majit, Ditës së Dëshmorëve të Kombit Shqiptar, vazhduam me homazhe në Deçan, ku me respekt nderuam luftëtarët e Brigadës 131 “Jusuf Gërvalla”, e gjithashtu nderuam të gjithë të rënët për liri dhe dinjitet kombëtar në të gjitha trevat tona, në periudha të ndryshme historike. Është obligim yni i përbashkët të kujtojmë e nderojmë veprën, guximin e sakrificën e përpjekjeve tona historike për liri”, ka shkruar Haradinaj.

Lexo edhe:

Ndalimi i importit të kafshëve nga disa shtete, Thaçi i AUV: Produktet në treg janë të sigurta, ndalesat masë parandaluese

Rruga që dërgon në Merdare do të bllokohet sot nga protestuesit serbë, QKMK bën thirrje të shfrytëzohen pikëkalimet tjera

Ndalohen gjashtë persona gjatë vënies së gurthemeleve për urat mbi Ibër

Ai ka thënë se heroizmi dhe sakrifica e dëshmorëve të kombit do të jetë udhërrëfyes në rrugën e faktorizimit të shqiptarëve në rajon.

“Heroizmi dhe sakrifica e Dëshmorëve të Kombit, do të jetë përherë udhërrëfyes në rrugën tonë të shtetndërtimit dhe të bërjes së faktorit shqiptar në rajon – faktor i vërtetë i paqes, stabilitetit dhe zhvillimit”, ka përfunduar Haradinaj.

Shpërndaje: