Kryetari i AAK-së, Ramush Haradinaj, ka thënë se partia e tij është kundër zgjedhjeve të reja për shkak të coronavirusit, duke shtuar se janë PRO një qeverie të re.

Haradinaj e ka parë të pamundur të shkohet tani në zgjedhje. Sipas tij, duhet respektuar Kushtetuta nëse ajo e mundëson krijimin e një qeverie të re, shkruan Reporteri.net.

Ndërkaq, ish-kryeministri tha se partia e tij do të votonte edhe një qeveri ku nuk përfshihen ata, duke shtuar se “nuk është koha e apetiteve për pushtet”. Madje, ai tha se nuk do ta ketë asnjë funksion në qeverinë e re.

“Nuk jam kandidat për të pasë ndonjë funksion qeveritar. Nuk është kohë e apetiteve për pushtet”, ka thënë Haradinaj.

Ndryshe, edhe partitë e tjera e kanë përkrahur krijimin e një qeverie të re, përvec VV-së, e cila është për zgjedhjet të reja./Reporteri.net