Kryeministri në largim i Kosovës, Ramush Haradinaj, sot pritet të intervistohet nga dhomat e specializuara në Hagë.

Haradinaj dje udhëtoi drejt Hagës, pas ftesës që mori nga Gjykata Speciale për tu intervistuar në cilësinë e të dyshuarit. Pak para nisjes për në Hagë, ai përmes një shkrimi në Facebook, tha se qëndron i palëkundur në vendimet e tij dhe se ftesës së Speciales i përgjigjet si qytetar i i Republikës së Kosovës.

Ndërsa, dje në intervistë për Reuters, ish kryeministri i Kosovës, tha se do të kandidojë sërish për të marrë detyrën nëse nuk është i akuzuar. Kjo është hera e dytë që Haradinaj ka dhënë dorëheqjen si kryeministër.

Në vitin 2005, ai u padit nga Gjykata e Kombeve të Bashkuara për Krime Lufte për ish-Jugosllavinë. Ai u gjykua dhe u lirua dy herë nga ajo gjykatë. Po ashtu, sot pritet të intervistohet edhe ish-kryetari i Kuvendit të Kosovës, Jakup Krasniqi