Ministrja e Punëve të Jashtme dhe Diasporës, Meliza Haradinaj-Stublla, thotë se ka marrë konfirmimin e Çekisë për përmbylljen me sukses të procesit të liberalizimit të vizave.

Haradinaj-Stublla, ka treguar se ka zhvilluar një bisedë telefonike me ministrin e Jashtëm të Çekisë, Tomáš Petříček ku thotë se Kosova është mirënjohëse për mbështetjen e Çekisë për konsolidimin ndërkombëtar të Kosovës si dhe përkrahjen në procesin e integrimit Euro-Atlantik, shkruan Reporteri.net.

“Ministri më konfirmoi mbështetjen strategjike të Çekisë në përmbylljen e suksesshme të procesit të liberalizimit të vizave për Kosovën. Njëkohësisht i rikonfirmova qëndrimin e Qeverisë së Kosovës që finalja e dialogut Kosovë-Serbi konsiston me njohje reciproke në kufijtë e 17 shkurtit”, ka shkruar ajo në Facebook.

https://www.facebook.com/melizaharadinajstublla/photos/a.128220942257307/152396653173069/?type=3&__xts__%5B0%5D=68.ARCvC-gtgXWLd6WuoZlawTEFcX4-NU0ba2vqBUUGG0jovoRXourwCcWorPyjZQLDUZBRSqqSyTcPY5YROosXd6QvhB15kKz8DDR-2l7SN896MzUfzmOQaSrkJRlnfzpZRkz5eDeZHNrwxNExtjU6SfeqtZov53CYNBUG8Wqoj3xSDBDw6YoWcdHWtOpJIhlHjJAKDsC8lWaBXh2_PMH-Pql8FL0_mKkcy4Tdtk01BB92Vhki9aBDJbkwyumZdDt0sZx1-Me0m9988b3n2N1AHxDzbRA68nHXcvKd81WAV7znsEjT01k3Fai_oIOa6ZOEF8g59zir0pgbmEgeKZVhA34&__tn__=-R