Pas mbledhjes së Qeverisë, kryeministri në detyrë Ramush Haradinaj iu është drejtuar gazetarëve në një konferencë për media, nga ku kritikoi VV-në dhe LDK-në për moskrijimin e institucioneve të reja të vendit.

Haradinaj ka thënë se barra kryesore për këto vonesa i bie partisë së parë, pra Lëvizjes Vetëvendosje, shkruan Reporteri.net.

I pyetur se a do të bëhet pjesë e Qeverisë Kurti, në rast se merr ndonjë ofertë, Haradinaj ka thënë se AAK-ja është e vendosur që të mbetet në opozitë.

“E kisha taku çdo ditë por ne jemi opozitë dhe nuk e shohim vetën në qeverinë Kurti. Do të mbesim në opozitë këtë mandat.

Fatmirësisht Kosova është mirë pavarësisht vonesave politike. E kisha taku në çdo kohë zotin Kurtin, por ne jemi opozitë nuk jemi të interesuar me hy në qeveri.Keni parasysh se është mirë institucionet e vendit me u kriju sa më shpejtë.. Barra bie mbi fituesin, Vetëvendosjen me i ndërtu institucionet. Vonesa nga fituesi në këtë rast është menjëherë minus për ta. Për ata që kanë premtu zhvatjen e shtetit, ata kanë mujtë me qenë sot në Qeveri. Punët që po i kryej sot duhet me i kry se bankroton Kosova”, ka thënë ndër të tjera Haradinaj.