Kryeministri Avdullah Hoti, sot tha se nuk e ka ditur për emërimin e djalit të Haxhi Shalës si konsull.

Por këtë po e mohon deputeti Shala, i cili thotë se nuk ka mundësi të ndodhë kjo.

“Në fatkeqësinë e vendit po del që në këtë vend të mos funksionojnë institucionet. Nuk ka mundësi që Hoti të mos e dinte për emërimin e djalit im në Pragë. Vetë nënshkrimi i tij duhet që të emërohet. Edhe presidenti e kthen tek ai për nënshkrim. Për fat të keq nuk po funksionojmë si shtet. Kryeministri e ka nënshkruar pasi kështu shkon zinxhiri i vendimmarrjes. Por mirë që ndodhi kjo fatkeqësi që të shihet se nuk po funksionojmë si shtet”, tha ai.

Shala tha se djali i tij Flakroni është mirë po shkollohet në Pragë dhe po vazhdon me doktoraturën.

Shala ka kritikuar ashpër edhe kryekuvendaren Vjosa Osmani e cila e shfuqizoj vendimin për e emërimin e djalit të tij, duke ia përmendur edhe emërimin e burrit të saj në diplomaci.

“E dijmë që është gradu burri i saj, nuk është mirë me shit moral”, tha Shala.