Deputeti dhe ish-pjesëtari i UÇK-së Haxhi Shala ka thënë se është ftuar nga Gjykata Speciale në Hagë në cilësinë e të dyshuarit për vrasje.

Shala në Edicionin Special ka thënë që është shqetësuar kur e ka marrë këtë lajm. Ai ka pohuar se në Dhomat e Specializuara në Hagë është mbrojtur në heshtje.

“Kam qenë i ftuar si dyshuar për vrasje. Në fillim u shqetësova, por me të arritur aty e pashë që nuk pati diçka që duhet të diskutoj dhe e shfrytëzova të drejtën e mbrojtjes në heshtje”.

Shala javën e kaluar është intervistuar nga Gjykata Speciale.
Më 24 gusht, Shala kishte njoftuar se është ftuar nga Specialja në cilësinë e të dyshuarit.

Gjykata Speciale ka intensifikuar punën javët e fundit. Pos intervistimeve, ajo tashmë ka nisur me seanca dhe ngritjen e aktakuzave. I pari ndaj të cilit u konfirmua aktakuza për krime lufte ishte Salih Mustafa. Pos tij, në seanca janë paraqitur edhe krerë të Organizatës së Veteranëve të Luftës së Ushtrisë Çlirimtare të Kosovës, Hysni Gucati e Nasim Haradinaj për “pengim të drejtësisë”.