Haxhiu akuzon MSH-në se qëllimisht po e ulë numrin e testimeve

Lajme

Haxhiu akuzon MSH-në se qëllimisht po e ulë numrin e testimeve

Reporteri

10 Prill 2021 | 21:06

Deputeti i Partisë Demokratike të Kosovës, Bekim Haxhiu, ka kritikuar Ministrin e Shëndetësisë se po e ul me qëllim numrin e testimeve për COVID-19.

Sipas Haxhiu, kjo po bëhet për të paraqitur rrejshëm rënien e rasteve me COVID-19.

“Ministria e Shëndetësisë po zvogëlon numrin e testimeve qëllimisht për të paraqitur rrejshëm rënien e numrit të rasteve me COVID-19. Nëse MSH-ja dëshiron rrejshëm me zvogëlu numrin e rasteve, munden me i ba vetëm 50-60 teste qysh i kanë bërë një vit me parë dhe ju dalin vetëm nga 5-6 raste pozitive”, ka shkruar Haxhiu në Facebook.

Lexo edhe:

Drejt dështimit të 34-të, sot tentativë tjetër për konstituimin e Kuvendit të Kosovës

Ngjarjet e paralajmëruara për sot në Kosovë

Sot më nxehtë, maksimalja deri në 34 gradë

Ai e ka argumentuar kritikën me numrin e testimeve që janë kryer ditën e premte krahasuar me ditën e shtunë.

“Nga 5.502 teste sa u bënë dy ditë më parë, sot janë bërë 4.351 teste RT-PCR, apo 1.151 më pak teste”, shkroi ndër të tjera Haxhiu.

Deputeti i PDK-së bëri thirrje që Ministria e Shëndetësisë të mos ndërhyjë në punën e IKSHPK-së, ndërsa shtoi se pandemia mposhtet duke rritur numrin e të vaksinuarve, e jo duke zvogëluar numrin e testimeve.

Shpërndaje: