×
  • Lajme
  • Lajme / Drejtësi

    Haxhiu falënderon BE-në për mbështetjen në sistemin e drejtësisë dhe në reforma

    Reporteri
    19 Qershor 2024 | 18:15

    Konferenca përmbyllëse e Programit të Bashkimit Evropian për Sektorin e Drejtorisë në Kosovë – EUKOJUST, ka të bëjë, mes tjerash, me rritjen e efektivitetit dhe efikasitetit në sistemin e drejtësisë dhe në reformat tjera përkatëse.

    Ministrja e Drejtësisë, Albulena Haxhiu, në këtë konferencë ka folur për aktivitete në sektorin e drejtësisë të mbështetura nga ky program me qëllim të përmbushjes së objektivave specifike dhe të përgjithshme, duke i adresuar zbrazëtirat në kapacitetet e burimeve njerëzore dhe në rregullimin e brendshëm struktural, si dhe në institucionet tjera përfituese nga ky program.

    “Në këtë drejtim është punuar shumë duke pasur parasysh nevojat e institucioneve për mbështetjen, që padyshim do të ketë ndikim në përmirësimin dhe rritjen e efikasitetit konform planeve dhe objektivave të përcaktuara”, deklaroi Haxhiu, përcjell televizioni publik.

    Ajo më tej tha se mbështetja e EUKOJUST është e madhe dhe u shpreh mirënjohëse për vazhdimin e projektit për gjashtë muaj të tjerë, duke u bazuar në kërkesën nga Këshilli Gjyqësor, Këshilli Prokuroria dhe Ministria e Drejtësisë.

    Ministrja Haxhiu, mes tjerash, falënderoi delegacionin e BE-së edhe Fondacionin Gjerman për Bashkëpunim Juridik Ndërkombëtar për angazhimin e tyre në këtë projekt, duke shtuar se këto rezultate të përbashkëta do të jenë trashëgimi për gjyqtarët, prokurorët dhe për institucionet e drejtësisë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!