Ministrja në detyrë e Drejtësisë, Albulena Haxhiu kërkon zgjedhje, pasi sipas saj, mbi vullnetin e popullit nuk mund të jetë askush.

Përmes një postimi në Facebook, Haxhiu tha se Gjykata Kushtetuese ka thënë se pazaret janë mbi vullnetin e popullit.

“Gjykata Kushtetuese na tha se pazaret janë mbi vullnetin e popullit! Por jo, mbi vullnetin e popullit nuk mund të jetë askush prandaj
#duamzgjedhje“, ka shkruar Haxhiu.

Të ejten në orët e mbrëmjes, Gjykata Kushtetuese e Kosovës vendosi për dekretin e Thaçit, për propozimin e mandatarit për Qeverinë e Re.