Ish deputetja e Lëvizjes Vetëvendosje, Albulena Haxhiu, përmes një postimi në llogarinë e saj në Facebook ka thënë se kthesa e madhe në vend do të ndodhë më 6 tetor.

Haxhiu është shprehur se subjektet tjera janë të tronditura nga kuadrot e reja, të cilat sipas saj po e përfaqësojnë në mënyrë të jashtëzakonshme Lëvizjen Vetëvendosje në debatet televizive, shkruan Reporteri.net.

Më poshtë mund ta lexoni statusin e saj të plotë:

“Subjektet tjera janë të tronditur nga kuadrot e reja në Lëvizje që po e përfaqësojnë në mënyrë të jashtëzakonshme Lëvizjen në debate televizive, andaj përfaqësuesit e këtyre subjekteve nuk po mund të kontrollojnë veten duke përdorur gjuhë agresive, pikërisht ata që 10 vite minimum kanë thënë premtimet e njëjta dhe ndonëse kanë qeverisur aq gjatë, kanë sjellë degradim, krim, papunësi, pabarazi e padrejtësi.
Ata sërish flasin njësoj por tani as vetes nuk i besojnë më.

Kthesa e madhe do të ndodhë më 6 tetor, fare se kemi problem t’i shohim e dëgjojmë talljet e mashtrimet e tyre deri atëherë.

Qytetarët e kanë kuptuar që Lëvizja me kandidatin e saj, e sjellë ndryshimin e përparimin”