Deputeti i PDK-së Bekim Haxhiu, ka kërkuar nga Qeveria të dijë se kur do të vijnë vaksinat Pfizer në Kosovë.

Ai thotë se qytetarët e rajonit mund të zgjedhin 2-3 lloje vaksinash. Haxhiu u shpreh se Qeveria Kurti 2 ka refuzuar vaksinat nga Shqipëria, ndërsa Qeveria Kurti 1 kishte pranuar 1000 teste nga Serbia të prodhuara në Rusi.

Ndërkaq, thotë se sigurimi i tyre nuk bëhet me me mesazhe telefonike, e as me kërkim falje e llafe koti.

“Vendet e rajonit kanë arritur të sigurojnë 2-3 lloje të vaksinave dhe qytetarët e tyre mund të përcaktohen se me cilën dëshirojnë të vaksinohen, ndërsa Qeveria e Kosovës nuk ka qasje të duhur në këtë proces. Vaksinat nuk sigurohen me mesazhe telefonike, as me kërkim falje e llafe koti, por me punë, me kontakte të drejtpërdrejta dhe marrveshje të ndërsjellta me prodhuesit e vaksinave apo shtete mike që mund të na ndihmojnë në këtë proces”, ka shkruar Haxhiu.

Postimi i plotë:

Qeveria Kurti 2 ka refuzuar vaksina nga Shqipëria, ndërsa Qeveria Kurti 1 kishte pranuar 1000 teste nga Serbia të prodhuara në Rusi.

A do të kemi vaksinat Pfizer në Kosovë dhe kur vijnë ato?

Do të duhej të kemi një pergjigje nga Qeveria.

Vendet e rajonit kanë arritur të sigurojnë 2-3 lloje të vaksinave dhe qytetarët e tyre mund të përcaktohen se me cilën dëshirojnë të vaksinohen, ndërsa Qeveria e Kosovës nuk ka qasje të duhur në këtë proces. Vaksinat nuk sigurohen me mesazhe telefonike, as me kërkim falje e llafe koti, por me punë, me kontakte të drejtpërdrejta dhe marrveshje të ndërsjellta me prodhuesit e vaksinave apo shtete mike që mund të na ndihmojnë në këtë proces.

Sipas Ligjit Nr. 07/L-006

Për Parandalimin dhe Luftimin e Pandemisë COVID-19.

Qeveria e Republikës së Kosovës obligohet që të sigurojë për të gjithë qytetarët vaksina të mjaftueshme kundër virusit COVID-19.

Gjithashtu Ministria e Shëndetësisë në bashkëpunim me IKSHPK e ka obligim që të aprovoj programin shtetëror të vaksinimit në Republikën e Kosovës.

Ministri Vitia duhet të lëjë llafet dhe të kontaktoj Ministren e Shëndetësisë së Shqipërisë dhe kompanitë prodhuese të vaksinave për të siguruar vaksinat për qytetarët e Kosovës.

Si deputet dhe anëtar i Komisionit Parlamentar për Shëndetësi jam i gatshëm të kontriboj 24 orë të ndihmoj MSH për të siguruar vaksinat për qytetarët e Kosovës.