Deputeti i Partisë Demokratike të Kosovës, Bekim Haxhiu ka thënë se shantazhi dhe kërcënimi i Albin Kurtit me zgjedhje në kohë pandemie është kërcenim për shëndetin dhe jetën e qytetarëve.

Sipas tij qytetarët kanë pritur angazhim të Qeverisë për menaxhimin e pandemisë, sigurimin e vaksinave dhe barnave.

“Shantazhi dhe kërcënimi i Albin Kurtit me zgjedhje në kohë pandemie është kërcënim për shëndetin dhe jetën e qytetarëve. Qytetarët kanë pritur angazhim të Qeverisë Kurti 2 në menaxhim të pandemisë, sigurim të vaksinave dhe barna për pacientët, mbështetje për bizneset dhe ekonominë”, ka shkruar ai në një postim në “Facebook”.

Postimi i plotë:

Shantazhi dhe kërcënimi i Albin Kurtit me zgjedhje në kohë pandemie është kërcënim për shëndetin dhe jetën e qytetarëve.

Qytetarët kanë pritur angazhim të Qeverisë Kurti 2 në menaxhim të pandemisë, sigurim të vaksinave dhe barna për pacientët, mbështetje për bizneset dhe ekonominë.

Kjo metodë, ky qëllim, kur kemi 700-900 raste pozitive në ditë dhe nga 10-17 raste të vdekjeve nga COVID-19, shpërfaqë egon diktatoriale të Albin Kurtit, i cili është i gatshëm të rrezikoj shëndetin dhe jetën e qytetarëve për pushtet absolut majtist dhe diktatorial.

Procedura parlamentare nuk njeh nocionin “pezullim”, por njeh miratimin apo tërheqjen e ligjit.