Nënkryetari i Lidhjes Demokratike të Kosovës, Lutfi Haziri ka thënë në një intervistë për Reporterin se është i mundshëm një bashkëpunim mes vetëvendosjes dhe PDK-së.

Madje thotë se VV ka më shumë afërsi me PDK-në se sa me LDK-në. Haziri ka thënë se agjenda tashmë të dy palët i kanë të përbashkëta.

“Natyrshëm që kanë me bashkëpunu. Po shihet, agjendat i kanë të përbashkëta. Tash, nëse i bashkon një kauzë, le te themi e zgjedhjeve të parakohshme, ata janë përfaru me një kauzë, pse mos të përafrohen edhe në kauzën tjetër. Fundja unë e di saktë që nga syzet e Vetëvendosjes PDK është parti më e afërt me ta se sa LDK-ja. Nëse kanë mujtë me LDK-në mu përafru, me provu me ndërtu një qeveri, nuk besoj që kanë problem me bashkëpunu me PDK-në. Fundja, pjesën më të madhe të strukturës, lidershipit të brendshëm e kanë ish PDK-ista dhe njerëz që për një arsye apo arsye tjetër e kanë hupë besimin në zotin Thaçi apo zotin Veseli nuk ka më rendësi, por e kanë leshu atë parti për t’iu bashkëngjitë VV-së”.

“Nga LDK-ja ka individ ose shumë pak individ që ju kanë bashku në lidership VV-së sepse edhe ata që janë të pakënaqur me ne nuk kanë fort shanse me ju afru VV-së”, ka deklaruara Haziri. /Reporteri/.