Nga dje e deri me 18 gusht, votuesit nga diaspora kanë mundësi të regjistrohen për zgjedhjet lokale që do të mbahen më 17 tetor.

Ndërsa të gjitha partitë, si PDK, LDK, AAK kanë zyrtarizuar shumicën e kandidatëve të tyre për kryetarë të komunave, Lëvizja Vetëvendosje vazhdon të hesht në këtë drejtim.

Partia e kryeministrit Albin Kurti ende nuk ka bërë asnjë njoftim se kur mund të shpallë kandidaturat e saj për kryetarë të komunave.

Gazeta Online “Reporteri.net”, ka tentuar sot të marrë një përgjigje nga kjo parti lidhur me kandidaturat, por nuk janë përgjigjur thirrjeve telefonike të gazetës.

Reporteri.net ka tentuar të marrë përgjigje konkretisht nga zyrtari për media, Arlind Manxhuka, nënkryetarja Fatmire Mulhaxha-Kollçaku dhe kryetari aktual i Prizrenit, Mytaher Haskuka, por asnjëri prej tyre nuk është përgjigjur në thirrjet telefonike.

Mediet kanë raportuar në vazhdimësi se një garë e ashpër po zhvillohet brenda VV-së, sidomos në komunën e Prizrenit dhe atë të Mitrovicës.

Agim Bahtiri e Shpejtim Bulliqi hapur kanë shpallur kandidaturat edhe për një mandat për kryetar të komunave që udhëheqin, Mitrovicën, respektivisht Podujevën.

Ndërsa garë tejet e nxehtë është edhe në Prizren, ku Mytaher Haskukës hapur si kundërkandidate i ka dalë kohë më parë Drita Millaku.

Duke parë se vetshpalljet për kryetar të komunave mund t’i shkaktojnë përplasje brenda partisë, kreu i VV-së, Albin Kurti, në mbledhjen e Këshillit të Përgjithshëm të VV-së të mbajtur më 28 qershor i kushtoi një kohë të veçantë kandidaturave.

Kurti, kërkoi që të ndalen menjëherë vetëshpalljet apo vetëkandidimet, si dhe pretendimet që dikush ka mbështetje nga niveli i tretë apo nga kryesia e Lëvizjes.

Ndryshe, sipas afateve të përcaktuara nga Komisioni Qendror i Zgjedhjeve, subjektet politike mund të certifikohen për pjesëmarrje në zgjedhje nga data 17 qershor deri më 16 gusht.

Më poshtë gjeni kandidatë e PDK-së, LDK-së dhe AAK-së të zyrtarizuar deri tani për kryetar të komunave:

Kandidatët e PDK-së:

Shaqir Totaj – Prizren

Agim Aliu – Ferizaj

Uran Ismaili – Prishtinë

Ramiz Lladrovci – Drenas

Sami Lushtaku – Skenderaj

Naim Ismajli – Shtime

Besim Ilazi – Kaçanik

Shaban Shabani – Dragash

Rrahim Ternava – Fushë Kosovë

Murtez Zekolli – Suharekë

Bedri Hamza – Mitrovicë (kandidat i mundshëm)

Kandidatët e LDK-së:

Përparim Rama – Prishtinë

Gazmend Muhaxherri – Pejë

Anton Quni – Prizren

Deçan – Hyrie Dobrunaj

Pudujevë – Ekrem Hyseni

Suharekë – Ardian Shala

Lipjan – Imri Ahmeti

Fushë Kosovë – Burim Berisha

Viti – Sokol Haliti

Vushtrri – Xhafer Tahiri

Mehmet Krasniqi – Obiliq

Burim Krasniqi – Rahovec

Kandidatët e AAK-së:

Agron Kuçi – Junik

Ardian Gjini – Gjakovë

Ali Krasniqi – Obiliq

Bali Muharremaj – Suharekë

Bashkim Ramosaj- Deçan

Bekë Berisha – Istog

Besnik Tahiri – Podujevë

Daut Haradinaj – Prishtinë

Faton Jakupi – Kamenicë

Mensut Ademi – Vushtrri

Rrustem Berisha – Pejë

Smajl Latifi – Rahovec

Zenun Elezaj – Klinë