Dhjetë dëshmitarë janë hequr nga lista e dëshmisë në rastin kundër ish-krerëve të Ushtrisë Çlirimtare të Kosovës, shkruan gazeta online Reporteri.net.

Dhomat e Specializuara të Kosovës të martën kanë njoftuar se Gjykata Speciale nuk do të mbështetet në dëshminë e dhjetë dëshmitarëve.

Sipas një njoftimi, Dhomat e Specializuara do të paraqesim me shkrim deklaratat e 13 dëshmitarëve, të cilët nuk do të dëshmojnë direkt në Gjykatë.

Lista e dëshmitarëve pritet të rishqyrtohet në muajin tetor dhe pritet të hiqen dëshmitarë të tjerë.