Kryeministri i Kosovës, Avdullah Hoti, ka thënë se Asociacioni i komunave serbe në Kosovë do të krijohet në parim me vendimin e Gjykatës Kushtetuese.

Ai thotë se ky Asociacion nuk do të ketë kompetenca ekzekutive.

“Përmbajtja e Asociacionit është e mbyllur, nuk do të ketë kompetenca ekzekutive. Krijimi i asociacionit do të bëhet sipas parimeve të Gjykatës Kushtetuese”, tha Hoti.

“Parimet e dialogut janë të qarta. Do të flasim vetëm për njohje. E dyta, nuk të ketë prekje të sovranitetit. Njohja do të vijë në kufijtë aktual. Për këtë jemi dakorduar para ndërkombëtarëve ne dhe pala serbe”, shtoi Hoti në Klan Kosova.