Kryeministri në detyrë, Avdullah Hoti, ministri në detyrë i shëndetësisë, Armend Zemaj dhe drejtori i IKShPK-së Naser Ramadani, do të mbajnë konferencë për medie në orën 11:00.

Kështu ka bërë të ditur, zyra e kryeministrit përmes një njoftimi për medie, e cila theksoi se temë e konferencës do të jetë strategjia e imunizimit dhe plani i vaksinimit.

Pas konferencës Hoti, do të vizitoi Forcën e Sigurisë së Kosovës.

“Kryeministri Avdullah Hoti bashkë me ministrin Armend Zemaj dhe Drejtorin e IKSHPK-së Naser Ramadani, mbajnë konferencë për media për strategjinë e imunizimit dhe planin e vaksinimit”, thekson njoftimi.

Ndryshe, një ditë më parë u bë e ditur se Kosova ka siguruar Kosova 500 mijë vaksina antiCOVID nga Pfizer.

Ministri Armend Zemaj përmes një postimi në Facebook ka shkruar se konfirmimin për sigurimin e këtyre vaksinave e kanë dhënë përfaqësuesit e Pfizer gjatë një takimi virtual të mbajtur sot me ta.