Kryeministri i Kosovës, Avdullah Hoti në seancën e Kuvendit ka pasur një përplasje me deputeten Mimoza Kusari-Lila.

Deri te përplasje ka ardhur pas diskutimeve rreth temës së mini-shengenit, për çka deputetja Kusari-Lila ka akuzuar Hotin për ndërrim të qëndrimeve, shkruan Reporteri.

Hoti ka reaguar ashpër ndaj kësaj deklarate duke i thënë Kusari-Lilës se ajo i ndërron qëndrimet sa herë që i ndërron ulëset.

“Nuk ka asgjë të cilës ne po i bashkohemi, po negociojmë një marrëveshje për lëvizje të lirë, me Kosovën si shtet i barabartë, unë nuk i ndërroj pozicionet ti e di mirë këtë, por ti sa herë i ndërron ulëset i ndërron pozicionet”, është shprehur Hoti.  /Reporteri.net