Shefi i Grupit Parlamentar të LDK-së, Avdullah Hoti e ka akuzuar për mashtrim presidentin  Hashim Thaçin.

Hoti ka thënë se pohimet e presidentit se “SHBA nuk ishte e përfshirë në Samitin e Berlinit”, janë të pavërteta.

Ai ka shtuar se Thaçi po vepron në kundërshtim të plotë me detyrat e tij kushtetuese.

Postimi i plotë i Hotit pa ndërhyrje:

Institucione kredibile te shteteve mike, që kanë ndikim në të tashmen dhe të ardhmen e Kosovës, dëshmuan sot se pohimet e Presidentit të Kosovës se “SHBA nuk ishte e përfshirë në Samitin e Berlinit” janë të pavërteta.

Rrjedhimisht, këto deklarime të Presidentit janë mashtrim i opinionit.

Me veprimet e tij tash e sa kohë, Presidenti po vepron në kundërshtim të plotë me detyrat e tij kushtetuese dhe me interesat e vendit.