Deputeti nga radhët e LDK’së, Avdullah Hoti, ka komentuar vizitën dy javore të kryeministrit Albin Kurti në Shtetet e Bashkuara të Amerikës.

Hoti ka thënë se adresa e të gjitha adresave është “Shtëpia e Bardhë”, duke kritikuar kështu Kurtin se si gjithë vizitën e kaloi duke zhvilluar takime me biznese e jo në Shtëpinë e Bardhë, shkruan Reporteri.net.

“Shëtitje në shumë adresa, përpos në adresën që për botën demokratike, dhe për shqiptarët në veçanti, është adresa e të gjitha adresave; Shtëpia e Bardhë. Parimisht, vizita në Shtëpinë e Bardhë mundëson qasje të suksesshme në të gjitha adresat e tjera, e jo e kundërta”, ka shkruar Hoti.