Ka nisur interpelanca e Kryeministrit Avdullah Hoti, e thirrur nga deputetja e Vetëvendosjes Fitore Pacolli Dalipi, në lidhje me pezullimin njëvjeçar të aplikimit të Republikës së Kosovës për anëtarësim në organizata ndërkombëtare.

Në pyetjen e deputetes së Vetëvendosjes, Fitore Pacolli lidhur me moratoriumin njëvjeçar, kryeministri Avdullah Hoti tha se nuk i kanë pauzuar përgatitjet.

“Pavarësisht dakordimit për të pauzuar për një vit aplikimin në organizata ndërkombëtare ne nuk po e pauzojmë punën tonë për përgatitjet për anëtarësim që duhet t’i bëjmë në organizata ndërkombëtare. Përkundrazi ne po vazhdojmë koordinimin e plotë me të gjithë partnerët dhe me partnerin tonë kryesor SHBA-në që të sigurohemi që aplikimet tona në organizata ndërkombëtare nuk dështojnë siç ka ndodhur në të kaluarën por rezultojnë me pranim dhe fuqizim të subjektivitetit tonë ndërkombëtar”, tha Hoti.