I mandatuari për kryeministër nga Lidhja Demokratike e Kosovës, Avdullah Hoti, ka shprehur ngushëllime pas vdekjes së dy minatorëve në minierën e Artanës.

Ai përmes një postimi në faqen e tij në rrjetin social Facebook, ka thënë se nje inxhinier dhe një xehtar, u shndërruan në shembull flijimi për të mirën e vendit, shkruan Reporteri.net.

Ky është postimi i tij i plotë:

Të gjithë jemi tronditur nga lajmi i kobshëm i shuarjes së jetës së dy bashkëqytetarëve tanë, z. Idriz Gërbeshi dhe z. Haki Arifaj, si pasojë e shembjes së dheut në minierën e Artanës.

Sot, një inxhinier dhe një xehetar yni, në vendin e punës, u shndërruan në shembull flijimi për të mirën e vendit.

Në këto çaste dhembjeje e trishtimi, shpirtërisht dhe në lutje jemi me familjet e të ndjerëve!

Zoti i bekoftë Idriz Gërbeshin dhe Haki Arifajn!

Zoti i bekoftë familjet e tyre! /Reporteri.net/