Kryeministri i Kosovës, Avdullah Hoti është takuar sot në Bruksel me presidentin e Parlamentit Evropian, David Sassoli.

Detaje për takimin ka thënë kryeministri përmes një shkrimi në rrjetin social Twitter.

Hoti ka shkruar se kreun e parlamentit evropian kanë diskutuar për situatën me pandeminë dhe menaxhimin e COVID 19.

Megjithatë, sipas kryeministrit theksi i bisedës ka qenë te procesi i liberalizimit të vizave.

Mirëpo kryeministri nuk ka dhënë ndonjë detaj tjetër rreth procesit të liberalizimit të vizave për kosovarët.

Kryeministri i Kosovës, Avdullah Hoti  ka paralajmëruar se do ta kenë një agjendë të ngjeshur me takime në Bruksel.

Very honored to meet @EP_President David Sassoli, with whom we had fruitful talks about the management of the #COVID19 pandemic, and the European future of Kosovo, with emphasis on the visa liberalization process. pic.twitter.com/333vG5fN78

— Avdullah Hoti (@Avdullah) September 10, 2020