Hoxha kosovar, Drilon Gashi, ka reaguar pas tërmetit tragjik që ka ndodhur në Shqipëri.

Gashi përmes Facebook ka pyetur se a është Zoti krijues i së keqes ndërsa ka shtuar se termeti është mungesa e mos unitetit dhe harmonisë me Zotin.

“Si rrjedhojë, termeti nuk është vepër e keqe nga ana e Zotit, por thjeshtë mungesë e stabilitetit dhe qetësisë së tokës për disa momente. Në këto sprovime pa dyshim se ka urtësi dhe kompensim hyjnor për besimtarët durimtarë”, ka shkruar ai.

Publikimi i plotë:

A është Zoti krijuesi i të keqës?!
#Teori filozofike:
E keqja, dhimbja, vuajtja, termeti… nuk kanë ekzistencë reale të vërtetë. Ato paraqesin vetëm mungesë dhe mos unitet dhe harmoni me Zotin, ashtu si errësira e cila është thjeshtë mungesa e dritës.
Si rrjedhojë, termeti nuk është vepër e keqe nga ana e Zotit, por thjeshtë mungesë e stabilitetit dhe qetësisë së tokës për disa momente.
Në këto sprovime pa dyshim se ka urtësi dhe kompensim hyjnor për besimtarët durimtarë.