Ushtruesi i detyrës së kryetarit të PDK-së, Enver Hoxhaj në një debat televiziv tha se vetëm një numër i vogël nga partia kanë qenë të informuar se Specialja ka konfirmuar aktakuzën për Kadri Veselin.

”E kemi ditë një ditë më herët. Kryetari Veseli ka pasë një komunikim me avokatin e tij. Ka qenë një gjendje e shokut, e vështirë njerëzore dhe emocionale. Lajmin e kemi ditë vetëm 7-8 persona të PDK-së”, ka thënë Hoxhaj në TV Dukagjini.

Ai tha se 5 nëntori ka qenë ditë e vështirë për miqtë e Veselit.

“Mendoj se atë ditë ka qenë gjendje e vështirë për neve si miq të tij dhe poashtu më e vështirë ditën e nesërme kur është dashtë të dorëzohet në EULEX. Ka qenë një situatë jashtë imagjinatës tonë”, tha Hoxhaj.