Ish-ministri i Jashtëm i Kosovës, Enver Hoxhaj, ka shprehur besimin se kthimi i Donald Trump në presidencën e ShBA-së mund të çojë në rritjen e stabilitetit në Ballkan. Hoxhaj tha se një administratë e udhëhequr nga Trump do të sillte një qëndrim më proaktiv për çështjet e pazgjidhura rajonale.

“Besoj se rajoni do të jetë më stabil dhe një administratë nën udhëheqjen e Trump do të jetë më e përkushtuar për stabilitetin në rajon. Do të ketë një vazhdimësi dhe një vendosmëri për të shtyrë përpara disa çështje të pambyllura në Ballkan,” tha Hoxhaj për A2CNN.

Hoxhaj po ashtu ka thënë se dëmi më i madh i Kurtit, dështimi për të përmbyllur dialogun gjatë administratës së Biden.

“Dëmi më i madh që qeveria Kurti i ka shkaktuar Kosovës është dështimi për të përmbyllur dialogun me administratën Biden, duke humbur kështu një mundësi historike. Mënyra më e mirë për të ndëshkuar Serbinë për agresionin e 24 shtatorit është anëtarësimi i Kosovës në NATO, që do të përbënte prioritetin më të lartë” – u shpreh Hoxhaj.