Hoxhaj uron Ramën: Fitorja e tij në zgjedhje është fitore edhe e Shqipërisë

Ushtruesi i detyrës së kryetarit të Partisë Demokratike të Kosovës, Enver Hoxhaj, e ka uruar Edi Ramën për fitoren në zgjedhjet parlamentare në Shqipëri që u mbajtën të dielën.


Hoxhaj përmes një postimi në llogarinë e tij në Facebook ka thënë se fitorja e Ramës është fitore edhe e Shqipërisë për shkak të mbarëvajtjes së procesit zgjedhor dhe një provimi të madh që kanë dhënë shqiptarët të dielën.

“Uroj mikun tim të çmuar, kryeministrin Edi Rama për fitoren e madhe dhe të rëndësishme në zgjedhjet në Shqipëri. Fitorja e Edit është fitore edhe e Shqipërisë për shkak të mbarëvajtjes së procesit zgjedhor dhe një provimi të madh që kanë dhënë shqiptarët ditën e diel. Fitorja e kryeminisrit Rama dhe PS, tregon për punën dhe reformat e prekshme që ka bërë ai gjatë këtyre dy mandateve në Shqipëri”, shkroi Hoxhaj.

“Uroj që rrugën e nisur për anëtarësim në Bashkimin Evropian, Edi Rama ta përmbyllë gjatë këtij mandati të tretë që ia besuan shqiptarët! Suksese Edi. Urime Shqipëri”, shtoi ai.