Deputeti i pavarur, Fatmir Humolli, thotë se kryeministri i Kosovës ka mashtruar qytetarët e Kosovës, si dhe partnerët ndërkombëtarë.
Ish-deputeti i VV-së thotë se Kurti është duke punuar kundër interesit të Kosovës dhe kundër zhvillimit.
“Albin Kurti në radhë të parë e ka mashtruar vetveten, i ka mashtruar qytetarët tanë, e ka mashtruar botën demokratike edhe e ka mbyll derën që miqtë potencial me na ndihmua. Nuk mundet dikush me të ndihmu kur ti je në kundërshtim me vetveten. Kurti po punon kundër interesit të Kosovës, është kundër zhvillimit, kundër të gjitha kategorive shoqërore”, tha ai në Tëvë1.
Ndërkohë, për platformën e partisë qeverisëse, Humolli tha se është degraduese dhe antipërparuese.
“Nuk e ka ndërtuar një platformë të qartë politike se si do të ecë, kah do të shkojë. Këtë platformë nuk e ka treguar në Kuvend, por as miqve potencialë tonë që me ndertu një raport partneriteti. Për fat të keq ne nuk kemi ndërtua një platformë, përkundrazi është një platformë e degraduar – antipërparuese”, shtoi ai.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.