Kryetari i ri i Prishtinës Përparim Rama ka njoftuar se i ka bërë ftesë Arben Vitisë që të takohen për të biseduar për bashkëqeverisje.

Rama në “Dpt te Fidani” ka bërë të ditur se pavarësisht ftesës që i ka dërguar Vitisë para 7 ditësh, nuk ka marrë përgjigje nga ai, shkruan Gazeta Online Reporteri.net.

“I kam kërkuar që të takohemi, por nuk kam marrë përgjigje… Para 7 ditësh i kam kërkuar takim”, tha Rama.

Kreu i Prishtinës theksoi se e ka ekipën gati dhe mund ta paraqesë menjëherë, por është i hapur për bashkëqeverisje.

Rama, nuk ka marrë ende ndonjë propozim nga partitë opozitare për koalicion të gjerë, pas ftesës publike që u bëri gjatë betimit të tij në Kuvendin Komunal. /Reporteri.net/