Deputeti i ardhshëm i VV-së, Agim Bahtiri mendon se partia ku ai bën pjesë do arrijë ta bëjë qeverinë e re, shkruan Gazeta Online Reporteri.net.

I pyetur nga gazetarët sot, kur dhe u regjistrua si deputet, Bahtiri tha se VV-ja i ka numrat.

“Mendoj se po..”, u përgjigj shkurtimisht Bahtiri, ndërsa në pyetjen se me cilën parti e me cilët deputetë, ai tha se do ta bëjnë Qevrinë me deputetët e Kuvendit të Kosovës.

“Numrat janë të deputetëve, 61 e më shumë Ne e dimë se i kemi numrat, me deputet të Republikës së Kosovës”, deklaroi Bahtiri.

Por, për krijimin e qeverisë, kreu i kësaj partie, Albin Kurti, sot gjatë regjistrimit si deputet, s’pranoi të deklarohej.

/Reporteri.net/

Kurti regjistrohet si deputet, s’flet për formimin e Qeverisë