×
  • Lajme
  • Lajme

    I riu nga Podujeva mban fermë derisa vazhdon studimet për doktoraturë

    Reporteri
    13 Mars 2020 | 13:24

    Ka përfunduar studimet për bujqësi dhe veterinari dhe është duke vazhduar doktoratën në Stamboll, por punon si fermer në fermën e tij të lopëve.


    Vetëm disa metra larg shtëpisë, 31-vjeçari, Tefik Jashari nga Ballovci i Podujevës ia ka bërë vendin fermës në të cilën ka rreth 28 lopë qumështore, raporton KOHA.

    Përveç lopëve, Tefiku ka 20 viça, për të cilët thotë se ka kujdes të shtuar.

    Pavarësisht nivelit të arsimimit dhe studimeve në doktoraturë, Tefiku thotë se punën si fermer e bën me shumë vullnet.

    Ushqimi si një nga proceset e domosdoshme për shëndetin e produktivitetin e lopëve, sipas Tefikut, bëhet çdo mëngjes.

    Duke e njohur mirë fushën e bujqësisë e veterinarisë, 31-vjeçari nga Podujeva thotë se problem mbetet kostoja e lartë e ushqimeve.

    Krahas fermës, përmes grantit nga Ministria e Bujqësisë, Tefiku posedon edhe makinat për mjeljen e lopëve.

    Filtrimi i plotë i qumështit bëhet në makineritë adekuate, të cilat Tefiku i ka në një ambient të veçantë.

    31-vjeçari nga Ballovci i Podujevës punon me familjarët e tij e prej kohësh ka punësuar edhe një punëtor.

    https://www.facebook.com/portalikohanet/videos/199004061439986/

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!