I sapoaderuari në Lëvizjen Vetëvendosje, teologu Mustafa Bajrami ka folur për zgjedhjet e parakohshme që pritet të mbahen në Kosovë.

Bajrami ka shkruar se Kosova dalëngadalë po bëhet si Amerika, e cila ka vetëm dy parti politike, shkruan Reporteri.net.

Sipas tij njëra nga këto parti është Vetëvendosje dhe siç është shprehur ai “aty-këtu ndonjë tjetër”

Bajrami tutje ka shkruar se nëse eventualisht mbijeton ndonjë e tretë, do të jetë si LSI-ja në Shqipëri, apo MHP-ja në Turqi.

“Kosova dalëngadalë po bëhet si Amerika(!) Në skenë vetëm dy parti politike: Vetëvendosje, dhe aty-këtu ndonjë tjetër. E nëse eventualisht mbijeton ndonjë e tretë, ka me qenë si LSI-ja në Shqipëri, apo MHP-ja në Turqi. Sa për dekor e sa për numra. Asgjë më shumë!”, ka shkruar Bajrami. /Reporteri.net