Dy vjet e gjysmë pas mbajtjes në paraburgim të katër krerëve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit, në Hagë sot nis procesi gjyqësor kundër tyre.

Mbështetja për ish-krerët e UÇK-së nuk po mungon as nga zyrat e Organizatës së Veteranëve të Ushtrisë Çlirimtare të Kosovës.

Faton Klinaku i vetëm në zyrë ka ndjekur gjykimin ndaj ish-bashkëluftëtarëve të tij që po mbahet sot në Hagë.

Klinaku është parë po ashtu duke e ndjekur edhe protestën që po organizohet sot në Hagë në mbështetje të ish-krerëve të UÇK-së.

Ish-presidenti i Kosovës, Hashim Thaçi është deklaruar i pafajshëm për pikat e reja në aktakuzën e tij.

Ai ka thënë se kupton akuzat, dhe ndihet plotësisht i pafajshëm, shkruan lajmi.net.

“E kuptoj, jam plotësisht i pafajshëm”, tha ai.

Gjykatësi ia rikujtoi Thaçit se në paraqitjen e parë është vetëdeklaruar i pafajshëm.

Pos Hashim Thaçit edhe Kadri Veseli, Jakup Krasniqi dhe Rexhep Selimi janë shprehur të pafajshëm.