Vetura, në pronësi të zëvendësministrit të Punës dhe Mirëqenies Sociale në qeverinë e Kosovës dhe anëtarit të Listës Serbe, Millosh Peroviq, u dogj në orët e para të mëngjesit në qendër të Zubin Potokut, transmeton Reporteri.net.

Zëdhënësi i Policisë së Kosovës për rajonin e veriut, Branislav Radoviq, në një deklaratë për portalin KoSSev  tha se se makinës iu vu zjarri herët në mëngjes rreth orës 02:42 në qendër të Zubin Potokut.

Ai shpjegoi se bëhet fjalë për makinën e tipit “Volkswagen Passat” me ngjyrë të zezë.  Radoviq tha se zjarrfikësit shuan zjarrin, por automjeti u shkatërrua plotësisht. Dëmi material vlerësohet rreth pesë mijë euro.

Policia e Kosovës nuk ka mundur të konfirmojë ende motivet e kësaj ngjarje mirëpo rasti është duke u hetuar. /Reporteri.net