Dy persona janë identifikuar si të dyshuar për plagosjen e Luan Malokut, këshilltarit të Fatmir Limajt, që ndodhi para dy orëve në Prishtinë.

Ngjarja ka ndodhur në Veternik, rreth orës 17:00. Policia ka konfirmuar rastin për Gazetën Online “Reporteri.net”.

“Rreth orës 17:00 kemi pranuar një informatë për një person të plagosur me arme zjarri në Veternik – Prishtinë. Njësit Policore iu kanë përgjigjur rastit dhe kanë dalë menjëherë në vendin e ngjarjes”, thotë Policia.

Tutje, sipas PK-së, i plagosur menjëherë është transportuar në drejtim të QKUK-së, dhe gjendja shëndetësore, sipas stafit mjekësor, është stabile, jashtë rrezikut për jetë.

“Njësitet policore janë duke kryer hetime intensive lidhur ke rastin, përderisa janë edhe në kërkim të të dyshuarit/ve, të cilët janë identifikuar nga ana e Policisë”, tha Policia për Reporteri.net.

Mediat lokale raportojnë se personat e dyshuar lidhur me plagosjen e Malokut janë Orhan Agushi dhe Uran Agushi. /Reporteri.net/.